आपल्याकडे पार्थिव गणेश व्रत सांगितलेले आहे.
पार्थिव म्हणजे पृथ्वी. अर्थात माती.
त्यामुळेच मातीची मूर्ती ही गणेशतत्वाला
अधिक आकर्षित करणारी आहे असे शास्त्र सांगते.
पण मूर्ती कोणतीही असो, भाव महत्वाचा.
तेव्हा भक्तीभावाने म्हणूया,
गणपती बाप्पा मोरया !

आपल्या घरी येणाऱ्या पाहुण्याच्या

आवडीचा पदार्थ आपण करतो.

तसाच गणपतीच्या आवडीचा पदार्थ म्हणजे मोदक.

आणि मोदक म्हणजे मोद अर्थात आनंद देणारा.

तो काही ठिकाणी लाडू असतो तर आपल्याकडे मोदक.

तेव्हा तुम्हीही घरात प्रेमाने मोदक बनवा आणि

आपल्या लाडक्या बाप्पाला खाऊ घाला.

घरी आलेल्या पाहुण्याला आपण उभे ठेवू की

रिलॅक्स बसा म्हणू?

जर देव आपल्याकडे येतोय तर आसनस्थ असावा.

त्यातही एक पाय सोडलेला असावा आणि

उजवा पाय दुमडलेला असावा असं शास्त्र सांगतं.

आणि बाप्पाचं हेच तर रिलॅक्स रूप,

जे बघून आपल्यालाही प्रसन्न वाटतं. होय ना?

गणपतीबाप्पा हा सर्व मनोकामना पूर्ण करणारा देव आहे.

जे मागेल ते तो देईल. पण ते माझ्या हिताचे आहे की नाही,

हे आपल्या कुठे ठाऊक?

त्यासाठीच बाप्पासमोर हात

जोडून म्हणावं की, हे जे मी मागतो ते

माझ्या हिताचं असेल तरच द्यावे.

कारण आपली काळजी त्या देवालाच अधिक आहे.

आणि तो आपलं कल्याणच करणारा आहे.

श्रीगणेशाचा वर्ण शेंदरी किंवा लाल मानला जातो.

त्यामुळे लाल रंगांच्या वस्तूंकडे गणेशतत्व आकर्षित होते.

लाल जास्वंदांच्या फुले ऊर्जा, उत्साह आणि चैतन्याचे

प्रतीक आहेत. त्यामुळे लाल जास्वंदाची फुले

आवर्जून व्हावी आणि बाप्पांची ऊर्जा अनुभवावी.